Қауымдастық Қазақстан Республикасы Ұлттық экономика министрлігінде аккредитация рәсімінен сәтті өтті. Алынған аккредитация Қауымдастықтың Қазақстан Республикасының заңнамасында реттелетін салада қызмет жүзеге асыратын субъектілерге қойылатын талаптарға сәйкестігін растайды.
Аккредитацияның болуы Қауымдастықтың кәсіби қызметті жоғары деңгейде жүзеге асыру үшін қажетті ұйымдастырушылық, кадрлық және әдістемелік ресурстар жүйесінің қалыптасқанын көрсетеді. Сонымен қатар, ҚР ҰЭМ-дегі аккредитация Қауымдастықтың кәсіби жауапкершілігінің жоғары деңгейін растап, оның мүшелері, серіктестері мен инвесторлары тарапынан сенімді нығайтады, сондай-ақ Қауымдастықтың өкілдік және құзыретті бірлестік ретіндегі беделін арттырады.
Аккредиттелген ұйым мәртебесі Қауымдастыққа нормативтік құқықтық актілерді әзірлеу барысында сала мүддесін білдіруге, сондай-ақ тиісті саладағы мемлекеттік реттеуді жетілдіруге бағытталған ұсыныстар енгізуге құқық береді.
Жалпы алғанда, аталған мән-жайлар аккредитация алудың заңдылықты қамтамасыз ету, қызмет тиімділігін арттыру және Қауымдастықтың стратегиялық дамуын қолдаудың маңызды құралы екенін дәлелдейді.
